samdi 13 avril 2013 Mèt Renold Georges fin menase viktim anba tant yo nan kan Acra ak Adoquin delmas 33, pou li mete dife sou moun yo, epi li di li ap pase traktè sou yo. lendi 15 a 2 zè nan maten bandi mete dife nan kan an, pèp la ale mande lapolis sekou, polis yo di ke yo pa gen gaz nan machin yo. pèp la fache yo bare lari a, pou gouvènman an ka pote yo sekou. menm polisye sa yo ki te di ke yo pa gen gaz la se yo menm anko ki gentan debake sou pèp la e yo tire sou yo anpil. machin poliis la se te 1-483, yo arete 2 moun ki se: Moris civil ak dalin Lexima. polisye sa yo telman bat 2 moun sa yo, Moris Civil ki gen ti non jwèt li se (ti kout) mouri nan men lapolis, li mouri kite 2 pitit nan kan an ak yon manman pitit. moun kan yo mande jistis, Chanjemleson mande jistis ak reparasyon pou fanmi Meris Civil. Nou ap mande peyi ki zanmi ayiti yo ak tout gouvènman an pou yo pran responsablite yo.

About these ads